Мөнгөн хонх жингэнүүлж, сурагчийн дүрэмт хувцасаар жигдрэн сургуулийн хаалгаар анх алхсан зургаан настнууд. Тэгэхдээ уйлж, бас эцэг эхдээ хоргодсон нэгдүгээр ангийнхан. Цагаан толгой, тооны хичээл, дүрэмт хувцас, учрыг олж, бүхнийг таних гэсэн харц, гадагшаа гараад гүймээр хүсэл ч бас тэднийх. Есдүгээр сард эрдмийн өргөөн дэх тэдний амьдрал ингэж л эхэлдэг байх. Намар, өвөл, хавар гэсэн гурван улирлын дараа  тэдний эрдэм сурсны баярын өдөр тохиож байна.